უნილაბის კიბერგზამკვლევი

კიბერლაბორატორიაში შენი და სხვა უნილაბელების ყველა კიბერმიზნის მისაღწევად უნდა იცოდე:

ჩვენი ამბავი

უნილაბი, ციფრული ტექნოლოგიების ლაბორატორია, საშუალებას მოგცემს, გადააბიჯო საკუთარ მომავალში, დაგეხმარება, დაინახო დღეს, როგორი შეიძლება იყოს ხვალ და აღმოგაჩენინებს შენს შესაძლებლობებს, რომლებსაც დღეს შეიძლება ვერ ხედავ.

გაზიარება

თუ რამეს ვქმნით, ვქმნით ყველასთვის. ვასწავლით ერთმანეთს, სტუდენტებს, მეგობრებს, ნაცნობებს, უცნობებს და ვცდილობთ, რაც შეიძლება მეტი ადამიანი დავაინტერესოთ ინოვაციებითა და ტექნოლოგიებით.

კომუნიკაცია

KISS – Keep It Simple Stupid – კომუნიკაცია ლაკონიური, საქმიანი და გადაწყვეტაზე ორიენტირებული.

Discord – უნილაბის მთავარი პლატფორმა კომუნიკაციისთვის. დღეში ერთხელ მაინც უნდა შეამოწმო და „დაარეაქთო“ ყველა წაკითხული შეტყობინება, რომლებიც გეხება.

არ არსებობს პრობლემა, რომელსაც ერთად ვერ მოვერევით

ილიაუნსა და უნილაბში იპოვით თითქმის ნებისმიერი დარგის გამორჩეულ სპეციალისტს. შესაბამისად, ერთად დიდი მწვერვალების დაპყრობა შეგვიძლია.

ფიზიკური სივრცე

უნილაბის სივრცეში მივყვებით ფიზიკური სივრცის წესებს, არ ვაზიანებთ ტექნიკას და ვიცავთ სიჩუმეს.

იდეები და აქტივობები

უნილაბი ყოველთვის გახსნილია ახალი იდეებისა და აქტივობებისთვის, ნუ მოგერიდება მათი ჩვენთვის გაზიარება.

გახსოვდეს: უნილაბში სწორი და არასწორი, სულელური იდეები არ არსებობს!