იყო დრო, როცა ბიზნესის პოპულარიზაციისთვის ცნობის ფურცელი და განცხადებების დაფა საკომუნიკაციო არხების სრულ ჩამონათვალს წარმოადგენდა, დღეს კი ჩვენ კოსმოსურ ხომალდში ვსხედვართ და კოსმოსურ იდეებს ვამზადებთ უამრავი საკომუნიკაციო პლატფორმისათვის. 

სიმართლე გითხრათ, ადამიანები ფურცელზე კითხვასაც გადაეჩვივნენ და აღარც განცხადებების დაფა გვხვდება სადმე, სამაგიეროდ ინტერნეტსივრცეში დღეს ყველას მარტივად მიაწვდენ ხმას.

სწორედ ამიტომ სოციალური მედიამენეჯერი დღეს ერთ–ერთი ყველაზე მოთხოვნადი პროფესიაა და, რაც მთავარია, მზარდი შესაძლებლობები აქვს.

კურსის მიზანია გაეცნო ახალი მედიის შესაძლებლობებს, შეძლო სოციალური მედიის ეფექტურად გამოყენება, გაიგო სოციალური მედიაპლატფორმების დამატებითი შესაძლებლობები, რათა მომავალში ისინი შენი საჭიროებისამებრ გამოიყენო.

სწავლება პრაქტიკული ხასიათისაა და კურსის განმავლობაში შეძლებ თავად შექმნა და მართო სოციალური მედიაარხები, ბოლო ერთი თვის განმავლობაში კი მიღებულ ცოდნასა და გამოცდილებას რეალურ პროექტზე მუშაობისას გამოიყენებ.